Bèste volgers vaan Toneelgroep Lummel,
De veurverkoup zit d'rop. Veer bedaanke de lui, die hun kaarte al geregeld höbbe. Höb geer nog gein kaarte en wèlt geer toch 'nne leuke aovend mèt us mèt make, daan zien d'r nog genóg kaarte besjikbaar. Geer kint kaarte regele door te maile: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
Ouch kint geer kaarte tèllefonisch bestèlle op: 043-3613818
Mèt gepaste trots prizzenteert Toneelgroep Lummel häör nui productie “Misère in Hoeze Belvedère”. In dizze dolkomische rollercoaster vaan 'n veustelling weurt dudelek wat de gevolge zien vaan de bezuiniginge op de gezoondheidszörg. Bejaordehoes “de Houtmaos” en Awwere Residentie “La Meuse” mote fusere. Get boe zie neet nao oetkieke. 'T gewoene vol weurt bloetgestèld aon de pretenties vaan de elite, die op häör beurt mer lestig kin wene aon de gebrekkige etiquette vaan de veurmaolige arbeiders. 'T bótse van dees 2 werelde weurt allein mer dramatischer door de nuie directeur mèt zie heimelek lechske en bot oetgevoerde bezuiniginge. En al zien zie al euver hunne piek heen. Dees gerumpelde helde zalle ziech euver hun fysieke en mentale kwäölkes heen mote zètte, um nog 'nne lèste kier te vechte veur hun bestaonsrech.
En ouch veur seniore geldt; in leefde en oorlog is alles touwgestande!
De speuldata zien op:
16, 17, 22, 23, 29 en 30 miert en 5, 6, 12, 13, 19 en 20 aprèl 2024
Zoondag 17 miert begint de voorstèlling um 14.30 oor. Alle aander veurstèllinge beginne um 20.00 uur
LÈT OP !!!!!!!
De verkoup van de kaarte zal ieder starte daan veer hadde aongekondig.
De veurverkoupdata zien:
Vriedag 19 jannewarie 2024 18.30 – 20.00 uur
Zaoterdag 20 jannewarie 2024 10.30 – 12.00 uur
Veurverkoupadres: Kapelaan Lochtmanhuis, Populierweeg 36 te Limmel-Maastricht
Daonao zien kaarte te bestèlle via het e-mailadres: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
of tèllefonisch via 043-3613818 op goonsdag, doonderdag en vriedag tösse 19.00 en 20.00 oor.
De kaarte koste € 12,50 per stök in de veurverkoup op 19 en 20 jannewarie.
Daonao koste de kaarte € 15,00 per stök. Zeet d'r snel bij, want OP = OP!
Pinnen is meugelek en gewins!
Veer winse 'n ederein alle goods veur 2024 en tot zeens in us Lummelse theater.
Bestuur en leie Toneelgroep Lummel
Lees hier onze: Privacy Policy