De ierste weekende zien veurbij. Op nao de lèste twie weekende mèt veurstèllinge op vriedag en zaoterdag in aprèl. Veur die 2 weekende zien nog kaarte te koup.
Kemedie en spektakel. Zien veer uuch ouch..?
Klik op 't dreiheukskes hei-oonder um eus reclame video's weer te geve:
Veer vinde 't sjiek uuch te kinne melle tot ENVIDA in 2024 de samewèrking mèt TGL is aongegaange door ziech es hoofsponsor te verbinde aon eus nui productie "Misère in Hoeze Belvedère".
Bestuur en leie vaan Toneelgroep Lummel felicitere Envida mèt hun10-Jaoreg Bestoon.
Wee is Envida en boe stoon zie veur?
Envida steit veur oetnudige, veur midde in 't leve stoon. Samen mèt bijnao 5000 collega's wèlle veer d'r zien veur de lui die hölp nudig höbbe um in 't dageleks leve gewoen hunne eige gaank te kinne goon. Gemeinelek zien dat lui op leeftied of mèt 'n chronische kraankegheid. Veer wèlle tot zie 'n zoe good en prettig meugelek leve kinne leie. 'T leefs thoes, en es 't neet aanders kin in ein vaan eus 15 woenzörgcentra in Mestreech en 't Heuvelland. Veer wèrke mèt kleinsjaolege, wiekgeriechde teams. Same mèt hoesartse en aander zörgpartners organisere veer de zörg kort bij eus cliënte. Samewèrking, touwkomsgeriechheid en 'n positieve instèlling zien riechtinggevend in eus werk.
Bèste volgers vaan Toneelgroep Lummel,
De veurverkoup zit d'rop. Veer bedaanke de lui, die hun kaarte al geregeld höbbe. Höb geer nog gein kaarte en wèlt geer toch 'nne leuke aovend mèt us mèt make, daan zien d'r nog genóg kaarte besjikbaar. Geer kint kaarte regele door te maile: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.
Ouch kint geer kaarte tèllefonisch bestèlle op: 043-3613818
Mèt gepaste trots prizzenteert Toneelgroep Lummel häör nui productie “Misère in Hoeze Belvedère”. In dizze dolkomische rollercoaster vaan 'n veustelling weurt dudelek wat de gevolge zien vaan de bezuiniginge op de gezoondheidszörg. Bejaordehoes “de Houtmaos” en Awwere Residentie “La Meuse” mote fusere. Get boe zie neet nao oetkieke. 'T gewoene vol weurt bloetgestèld aon de pretenties vaan de elite, die op häör beurt mer lestig kin wene aon de gebrekkige etiquette vaan de veurmaolige arbeiders. 'T bótse van dees 2 werelde weurt allein mer dramatischer door de nuie directeur mèt zie heimelek lechske en bot oetgevoerde bezuiniginge. En al zien zie al euver hunne piek heen. Dees gerumpelde helde zalle ziech euver hun fysieke en mentale kwäölkes heen mote zètte, um nog 'nne lèste kier te vechte veur hun bestaonsrech.
En ouch veur seniore geldt; in leefde en oorlog is alles touwgestande!
De speuldata zien op:
16, 17, 22, 23, 29 en 30 miert en 5, 6, 12, 13, 19 en 20 aprèl 2024
Zoondag 17 miert begint de voorstèlling um 14.30 oor. Alle aander veurstèllinge beginne um 20.00 uur
1e |
Zaoterdag | 16 miert |
2e Matinee | Zoondag | 17 miert |
3e | Vriedag | 22 miert |
4e | Zaoterdag | 23 miert |
5e | Vriedag | 29 miert |
6e | Zaoterdag | 30 miert |
7e | Vriedag | 05 aprèl |
8e | Zaoterdag | 06 aprèl |
9e | Vriedag | 12 aprèl |
10e | Zaoterdag | 13 aprèl |
11e | Vriedag | 19 aprèl |
12e | Zaoterdag | 20 aprèl |
Bèste Volgers en Fans vaan Toneelgroep Lummel,
Veer zien d’r gruuts op uuch te kinne vertèlle dat veer goon speule:
“Misère in Hoeze Belvédère”
Zoe wie gebrukelek speule veer weer ‘n kluch. En in dit geval is ‘t ’nne bestaonde kemedie “de rollator-revolutie” dee door us bewèrk en vertaold is.
Mèt ‘nne flinke sjeut Mestreechse sajs dreuver, garrandere veer uuch weer e sjoen spektakel en ‘nne leuke aovend. Hei-oonder kint geer al deil 1,2 en 3 bewundere mèt filmbeelde vaan eus rippetities 't aofgeloupe jaor. Binnekort prizzentere veer uuch ouch de daotums boe op veer goon speule!
Dus lui, hawt us in de gate!
Bèste Lui,
Veer höbbe d'r e tiedsje oetgelege mèt euze website, mer gelökkig is dat veurige week nao hiel get geregel en tèllefoonsjes weer opgelos.
Eus ierste artikel nao dat gedoe, betröf eus jaorleks oetstepke op 30 september jl. :
Klik veur groete weergaaf op de foto:
Begoos woort mèt 'n roondleiing in Fort Eben-Emael en daonao 'ne BBQ mèt aonsletend de höldiging vaan euze zjubilaris Ronald Servais, dee 25 jaor lid is en ziech zier verdeenstelek maak veur de vereineging.
Heer is Bestuurslid, 2e sikkertaris, decorbouwer en maak altied en euveral foto's en fèlmpkes vaan. Heer heet twie gouwe hennekes en dat bliek eders kier opnui es heer weer 'n sjoen decor wèt te make bij us nui veurstèllinge. Veer zien daan ouch weer zier benuid nao 't decor vaan us aonstaonde produktie.
Ronald nogmaols perficia en veer winse us nog hiel väöl jaore same mèt diech.
Beloert uuch hei-oonder e filmke vaan häöm:
Vendaog (13-02-2023) besteit eus Toneelgroep Lummel 45 jaor. Wat is deen tied umgevloge!
Op nao 'n sjoen produktie in 't veurjaor vaan 2024:
"Misère in Hoeze Belvédère"
Lees hier onze: Privacy Policy